Grupo ng mga Muslim, Nagsagawa ng Pagkilos sa labas ng Senado Hinggil sa BTA Extension…

Ni: Nino Aclan

NAGSAGAWA ng kilos protesta ang  ibat ibang grupo na nakaanib sa Civil society Organization- Peace Networks (CSO -PN) para magsagawa ng panawagan sa mga senador sa harap ng senado. 

Ayon kay Federation of Bangsamoro Coordinating Counsels of the Philippines leader at CSO PN Spokesperson Abdul haddi daguit – humihiling sila sa mga nasa kapangyarihan na maextend hanggang 2028 ang Bangsamoro Transition Authority. 

Mas makakatipid aniya ang bansa dito at mas magiging mahaba ang paghahanda para sa halalan. 

Una nang sinabi ng Commission on Election (Comelec) na kakailanganin ng pamahalaan ng dalawang bilyong pisong pondo para magsagawa ng kahiwalay na eleksyon sa BARMM para sa 2026. 

Paliwanag ni Daguit, kung magkakaroon man ng halalan ay gawin na ito sa 2025 o iextend na lang ng hanggang 2028 para hindi na mapagastos ang publiko.

Nanawagan din ang grupo kay Pangulong Ferdinand “Bongbong” Marcos,  Jr. Na pagbigyan ang kanilang kahilingan para na rin sa kapakanan ng nakakarami.