Alas-tres ng hapon kahapon, September 8, 2025, nilunsad ang kilos protesta ng mga mangagawa kontra korapsyon at political Dynasty. Ito ay sa pakikipag-ugnayan ng Artikulo Onse, isang samahan na naglalayon na labanan ang Korapsyon.

Ayon kay Atty.Luke Espiritu, Ang naganap na laglagan ng mga pangalan na ginawa ng mag-asawang Pacifico at Sarah Discaya ay kulang na kulang. Isang parte lamang ang nilaglag nila at inalagaan ang ilan sa mga dapat ilaglag para hindi sila mapahamak. Giit pa niya ay hindi siya naniniwala na ang Ledger ng mga Discaya ay nag-simula lamang ng 2022 gayong malinaw na 2016 pa lamang ay Kontratista na siya sa mga Proyekto ng Gobyero partikular ang Flood Control Projects.Tinawag ni Espiritu na “Halfbaked na Rebelasyon ang mga kaganapan kahapon sa Senado.

Ayon naman kay Ka-Leody de Guzman, Ang korapsyon ay matutuldukan sa pag-wawakas sa Political Dynasties. Iginiit ni de Guzman na maganda ang plano ng Pangulo na mag-lungsad ng isang Private Comission na mag iimbestiga sa mga katiwaliang nagaganap sa Gobyerno. Ito ay maisasagawa ng maayos kung isusulong din ng Pangulo ang pag-buwag sa mga dinastiya ng mga Political clan sa bansa.