Malayang talakayan sa Gerrys grill tungkol sa kilos protesta na magaganap sa September 21,2025 sa Luneta ikinasa ngayong araw, September 17, araw ng Miyerkules

Pinangunahan ng mga estudyante mula sa ibat ibang Unibersidad, kasama ang ilan sa Pinagkakapitagang Leader tulad nila Teddy Casiño, Satur Ocampo, Teresita Ang-Sy, Leody de Guzman, at Luke Espiritu.

Isa sa mga namutawing sigaw sa pag-pupulong na iyon ay “Lahat ng Corrupt panagutin lahat.” Na nag bibigay ng isang matapang ngunit mapayapang laban kontra korapsyon.

Isa sa mga mariing sinusulong ng grupo ay ang pagpapatigil ng Political Dynasty na pinaniniwalaan na siyang punot dulo ng kasakiman ng mga dorobo.

Nilinaw naman ng samahan na walang kulay ang laban sa korapsyon. Pinapakiusapan na bagamat ang protesta ay bukas para sa lahat, ay hindi ito nangangahulugan na hahayaan na gamitin ang programa para sa pangsariling interes. Ika- nga, Wag na daw subukan ang pag-sigaw ng pamosong linyang “Bring him home” na patungkol sa pagpapauwi sa Dating Pangulong Rodrigo Roa Duterte.

Isa pang kinuwestiyon ng ilan sa grupo ay ang pahayag ng pangulo na siya ay kakampi at kaisa sa laban sa korapsyon. Ika-nga, “Panong magiging kakampi ang pangulo ngayong siya ang isa sa mga dahilan sa paglala ng korapsyon.

Sinigurado naman na ang protesta ay magiging mapayapa at hindi gagamit ng anumang dahas.