Topograpiya, Basura, Pagbaba ng Water Level, kawalan ng Urban Planning sanhi ng baha sa NCR

-Gillian Paul Abayon

Binabaha ang mga kalsada at kalye ng Metro Manila tuwing tag-ulan . Ayon sa isang research na may titulo na “ Street floods in Metro Manila and possible solutions” na isinagawa ni University of the Philippines (UP) Prof. Mahar Lagmay, at na published sa Journal of Environmental Sciences, topograpiya, basura, pagbaba ng water level at ang kawalan ng Urban Planning ang ilan sa dahilan kung bakit binabaha ang NCR.

Ang topograpiya ng Metro Manila ay isang isthmus, sa pagitan ng Laguna De Bay at Manila Bay. Likas na daluyan ng tubig pag umuulan ang mga pangunahing ilog tulad ng Marikina, Pasig, San Juan at Tullahan ang Manila Bay.

Malalang perwisyo ang basura, dahil bumabara ang mga itosa mga drainage na nagpapalala sa baha. Ayon sa MMDA, noong mga nakaraang baha umaabot sa 600 toneladang basura ang nahahakot.

Matinding problema pagbaba ng lebel ng lupa, ayon sa mga eksperto mula sa 22 hanggang 40 millimeters ang inilulubog ng kalupaang sumasakop sa Kalakhang Maynila taon-taon, dahil sa soil compaction at paglubog ng lupa na dulot ng ground water extraction.

Sa kawalan ng maayos na Urban Planning ay lalong nagpapalala ng baha sa NCR, kung saan ang mga estero ay tinatabunan at ginagawang kalsada o kayle. At dahil na harangan na ang mga estero, sa mga kalsada na dumadaloy ang tubig tuwing malakas ang ulan.

Ang mga problemang ito ay kailangan ng agarang aksyon upang may solusyon na sa baha sa Metro Manila.