Hangang hanga ako sa marketing team ng isang sikat na jeans. Aba, nakita nio pa si Ivana Alawi? Aba naku, super sexy pa rin ng batam-batang talent ng ABS-CBN. Super kinis ang balat ng Moroccan girl na ito na may dugong Pinoy.

Ang maganda kay Ivana, hindi siya bastusin ang dating. Me pagka sultry na mata pa lamang ay sabi nga nila, ulam na. Hindi rin niya kailangang magpakita pa ng maseselang bahagi ng kanyang wankata dahil sa totoo, vavavooom na kahit nakapantalon lang.

Kaya naman, araw-araw laman siya ng imahinasyon ng mga motoristang naglalakbay sa EDSA. Pano ba naman sa magkabilaang lanes mapa North o South, hagip mo ang super sexy na si Ivana suot ang kanyang paboritong jeans.

Endorser siya ng isang sikat na apparel at sa totoo, matagal-tagal na rin kasi siyang di nakikita sa mga ads lalo na sa billboards. Pano, naging busy ang hitad kaka blog. Napabalita pa raw na millions ang kita ni Ivana sa mga blogs nya. Eh, kung ang subscriber base mo naman ay millions, imposibleng di ka payamanin ng Youtube.

Pero sa kanyang pagbabalik bilang modelo, hindi kaya indikasyon ito na humihina na ang kanyang kita sa vlogging? Sagutin mo ito Ivana, dali!!