Sang-ayon kay Senator Riza Hontiveros, nakatanggap siya ng impormasyon na isang buwan na raw mahigit wala sa Pilipinas ang kontrobersyal na dating mayor ng Bamban Tarlac na si Guo Huaping a.k.a. Alice Guo. Sang-ayon kay Hontiveros, tumawid daw ng Malaysia noong kalagitnaan ng Hulyo ang wanted na mayor at nakipagkita sa kanyang mga magulang sa Singapore. Galing China naman ang mga magulang ng mayor.

Pero sa isang panayam, hindi naman matiyak ng kanyang abogadong si Atty. Steven David kung lumabas man o hindi ang kanyang kliyente. Aniya, nagkakausap naman daw sila ng Guo at may presumption siyang nasasa bansa lamang ang mayora.

Sampal naman para sa Pilipinas ang balitang ito, ayon kay Senator Sherwin Gatchalian. Tatawag yata ng imbestigasyon ukol dito ang Senado.

Sinabi naman ni Bureau of Immigration spokesperson Dana Sandoval, maaaring gumamit ng illegal exit points itong si Guo sampu ng kanyang mga kapwa akusado. Balita kasi na kasama ni Guo sina Wesley Guo, isa sa mga hinihinalang sangkot sa illegal POGO operations.

Nilinaw naman ng Immigration na wala pang pormal na hold departure order ang pamahalaan sapagkat kakasampa pa lamang ng kaso laban sa mayora ang gobyerno. Wala pang korte na nagsasabing kailangang may HDO na laban kay Guo.

Ang tanong— SINO ANG NASASA LIKOD NG DIUMANO’Y paglabas-masok ni Mayor Alice Guo sa Pilipinas? May malaking tao ba na sasa likod nitong si Mayor Guo?

Ayon sa ating pananaliksik, isa diumanong opisyales de gobyerno na malapit sa administrasyong Duterte ang backup ni Guo sa kontrobersya na ito. Ang opisyales na ito na aktibong myembro ng Philippine National Police (PNP) ay ginagamit diumano ng isa pang lokal na opisyales na diumano’y ka-relasyon ng mayora sa kanyang negosyo at maging sa personal.

ANG TANONG– ANO ANG DAHILAN BAKIT KAILANGANG MANGIBANG BANSA NI MAYOR ALICE GUO? GINAGAMIT NA BA NG MGA GRUPO SI GUO UPANG MASAWATA ANG MALAKING SINDIKATONG NASASA LIKOD NG ILLEGAL POGO OPERATIONS SA PILIPINAS? 

MAY SABWATAN BANG NAGAGANAP NGAYON SA PAGITAN NG MGA GOBYERNO NG TSINA AT PILIPINAS UPANG TULUYANG MADAKIP ANG GODFATHER NG ILLEGAL POGO HINDI LAMANG DITO SA ATING BANSA KUNDI SA IBA’T-IBANG BANSA RIN? 

LUMALABAS KASI SA PANANALIKSIK NA ISANG DAMBUHALA AT ORGANISADONG SINDIKATONG MAY KONEKSYON SA HUMAN SMUGGLING, DRUG TRAFFICKING AT ARMS SMUGGLING ANG NAGPOPONDO SA MGA POGO HINDI LAMANG DITO SA ATIN, KUNDI SA ASYA MAGING SA EUROPA.

KUMBAGA, HINDI LAMANG SIMPLENG OPERASYON ANG NASABAT NG PILIPINAS KUNDI ISANG MULTI-NASYUNAL NA OPERASYON NG MGA ILLEGAL NA SINDIKATO. 

ANG ISA PANG TANONG— HANDA NA KAYANG MAGSIWALAT SI GUO SA KANYANG MGA NALALAMAN HINGGIL SA MGA GINAMIT AT GINAGAMIT NA OPISYALES DE GOBYERNO DITO SA PILIPINAS NG NASABING SINDIKATO? 

BALITANG-BALITA NA MAY MGA KASAPAKAT ITONG SINDIKATO SA DATI AT KASALUKUYANG PAMAHALAAN. PANAHON NA BANG IBUKING ANG MGA ITO AT MASAMPAHAN NG MGA KASO AT ITAPON SA BILIBID? 

Kumbaga, state witness ba na lalabas na si Alice Guo na unang binuking dito ni Senator Win Gatchalian? ABANGAN!