Ni: Nino Aclan

NAIS na ni Senadora Rosa Hontiveros, Chairwoman ng Senate Committee on  Women, Children, Family Relations and Gender Equality  na naarestuhin na ng senado si suspended Bamban Mayor Alice Guo dahil sa patuloy na pag-isnab  nito sa imbestigasyon ng senado ukol sa kontrobersyal na uspain ng Philiipne Offshore Gaming Operation (POGO) na kung saan mayroon siyang kaugnayan at ganoon sa kaniyang pagkatao.

Ayon kay Hontiveros susulat na siya sa tanggapan ni Senate President Francis “Chiz” Escudero upang magpalabas ng warrant of arrest laban kay Guo.

Bukod kay Guo na isa mga pina-contempt ng senado na dahilan para humiling sa pag-aresto nito ay sinete for contempt din sina Nancy Gamo, Dennis Cunanan, Wenyi Lin, Seimen L. Guo, Jian Zhong L. Guo, Sheila L. Guo at Wesley L. Guo dahil sa patuloy na pag-isnab din nila sa imbitasyon ng senado.

Hindi kasi umubra sa pinuno ng komite at mga miyembrong senador ang katwiran ng kampo ni Guo na kaya hindi ito nakakadalo sa pagdinig ay dahil sa kaniyang usaping pangkalusugan at ganoon ang pagkakaroon ng trauma.

Maliban sa pag-aresto ay padadalhan din ng subpoena ng komite sina Jaielyn S. Cruz, Roderick Paul B. Pujante, Juan Miguel Alpas, Katherine Cassandra Ong, Alberto Rodulfo “AR” Dela Serna, Jonatan Mendoza, Ronelyn B. Baterna, Michael Bryce B. Mascarenas, Stephanie B. Mascarenas, Rodrigo A. Banda, Jing Gu, Xiang Tan, Daniel Salcedo, Jr., Chona A. Alejandre at Duanren Wu.

Bukod dito sinabi ni Hontiveros na kanya ding ipapatawag si dating Presidential Spokesperson Harry  Roque upang magpaliwanag matapos masangkot ang kanyang pangalan na may kaugnayan sa mga POGO’s companies.

Nais din busisiin ni Hontiveros ang pagkakaroon ng kaugnayan ng Pharmally group ukol sa mga POGO operation lalo na’t nabanggit ang pangalan ni Michael Yang na nauna nang nasangkot sa kontrobersya.

Aminado naman si Hontiveros na kailangan muna nilang mabusisi ng husto bago pa man tuluyang maiugnay ang pangalan  ni dating Pangulong Rodrigo Duterte sa usapin ng POGO.